Íslenskur prentiðnaður á undir högg að sækja vegna erlendrar samkeppni og ein af ástæðum þess hve hörð þessi samkeppni er, er sú staðreynd að prentsmiðjurnar þær eru að keppa við eru stórar, þannig að þær ná fram stærðarhagkvæmni og eru þess utan búnar nýjustu vélum, tækjum og hugbúnaði til að hámarka sjálfvirkni, hraða, gæði og stöðugleika í framleiðslu, á meðan íslenskar prentsmiðjur hafa margar ekki náð að endurnýja tæki, vélar og hugbúnað og hafa þannig smátt og smátt dregist aftur úr. 

Til að reyna að halda í viðskiptavini hafa íslenskar prentsmiðjur því frekar lækkað verðin, sem hefur einfaldlega lækkað framlegð þeirra, sem aftur gerir þeim enn erfiðara að uppfæra vélar, tæki og hugbúnað sem hefði ella getað aukið framlegð og jafnvel gert þeim kleift að stækka og eflast til að standast samkeppni.

Eins og margir sjálfsagt vita þá hef ég alla tíð lagt áherslu á að bjóða upp á lausnir frá forystufyrirtækjum hvers tíma í sínum geira. Sérstök áhersla hefur verið lögð á að bjóða lausnir sem gera prentsmiðjum kleift að prenta í lit samkvæmt ISO 12647 staðlinum, sem er sá staðall sem erlendar prentsmiðjur styðjast almennt við í litprentun. 

Notkun staðalsins hér á landi hefur fram til þessa verið í mýflugumynd og reynt hefur verið að skauta framhjá honum með því að láta auglýsingastofur skila öllum verkefnum inn í RGB sniði og prentsmiðjur einfaldlega látnar um að prenta eins fallega og þær geta, hver með sínu nefi án þess að gerð væri sérstök krafa um að þær biðu upp á prentun skv. ISO 12647 fyrir umbeðna pappírsgerð.

Þetta þýðir í raun að íslenskar prentsmiðjur geta almennt ekki boðið í verkefni hjá stærri fyrirtækjum þar sem gerð er krafa um prentun skv. ISO 12647 staðlinum. 

Stærri fyrirtæki eru oft með samninga við margar prentsmiðjur í mörgum löndum og þau gera eðlilega kröfu um einsleitni í lit á milli prentsmiðja, prentaðferða og á milli landa og þar er ISO 12647 almennt grunnskilyrðið fyrir 4 lita prentun. 

Spot-Nordic býður nú íslenskum prentsmiðjum upp á nýja leið til að uppfæra vélar, tæki og hugbúnað sem teljast nauðsynleg til að keppa við þá bestu.

Mér er mikil ánægja að kynna nýja þjónustu hjá Spot-Nordic sem við köllum Pay & Play. 

Við bjóðum íslenskum fyrirtækjum í prentiðnaði nú upp á langtímaleigu eða greiðsludreifingu á heimsklassa tækjum og hugbúnaði sem eru ætluð til að auka framleiðni, gæði og einsleitni framleiðslunnar 

Lágmarks leigutími er 48 mánuðir. Í tilfelli tækja og véla er hægt að skipta tækjum út fyrir ný eftir 48 mánaða leigu og framlengja í aðra 48 mánuði, sé þess óskað.

Að öðrum kosti er viðkomandi vöru einfaldlega skilað inn til Spot-Nordic.Engin útborgun er innheimt þegar tækjum er skipt út fyrir ný. Mánaðarleiga er einfaldlega greidd en hafi orðið breytingar á verðum á viðkomandi tæki þá getur það haft áhrif til smávægilegrar hækkunar eða lækkunar.

Verð miðast við gengi þess gjaldmiðils sem viðkomandi framleiðandi notar og mánaðargreiðslur miðast jafnframt við gengi gjaldmiðils (sölugengi Íslandsbanka) á greiðsludegi hvers mánaðar.

Leigutakar geta alltaf keypt viðkomandi vöru á leigutímanum, kjósi þeir það.

Kaupverð miðast við staðgreiðsluverð á viðkomandi vöru á kaupdegi.

Eftirfarandi birgjar taka þátt í átakinu með okkur: 

Cherlyn (Pantone vogir).
Digital Information (InkZone forstilling á litagjöf og stjórnun á litagjöf fyrir offset prentvélar).
TECHKON  (Density og Spectromælar, handvirkir og litaborðalesarar).


Áhugasamir vinsamlega hafið samband við Inga Karlsson hjá Spot-Nordic í síma 896 9790 eða sendið tölvupóst á ingi@spot-nordic.com.